အပိုတွေနဲ့ ပြည့်နေတဲ့ဘဝ

 အပိုတွေနဲ့ ပြည့်နေတဲ့ဘဝ

အင်္ဂလိပ်ဘာသာစကားမှာ clutter ဆိုတဲ့ ဝေါဟာရလေးရှိတယ်။ သူဟာ rubbish လို အမှိုက်လို့လည်း အဓိပ္ပာယ်မရဘူး။ ရှုပ်ပွနေသော ဗြုတ်စ ဗျင်းတောင်း၊ ရှုပ်ပွနေခြင်းလို့ အဓိပ္ပာယ်ရတယ်။ ဒီ clutter ဆိုတဲ့ စကားလုံးလေးကို အရင် ပိုင်နိုင်သွားအောင် နမူနာဝါကျလေးတွေနဲ့ အရင်ကြည့်ကြရအောင်။

How can you work with so much clutter on your desk?

စားပွဲပေါ်မှာ ဒီလောက်ရှုပ်ပွနေတော့ မင်း ဘယ်လိုအလုပ်လုပ်လို့ရမှာလဲ။

Your office is always in a clutter.

မင်းရဲ့ရုံးခန်းကလည်း အမြဲရှုပ်ပွနေတာပဲ။

(be in a clutter ဆိုတဲ့ တွဲသုံးပုံကို မှတ်ပါ။)

Don't clutter up my desk. I've just tidied it.

ငါ့ စားပွဲပေါ် လာမရှုပ်နဲ့။ ခုလေးတင် ရှင်းထားတာ။

(ဒီမှာ clutter up ကို verb လိုသုံးထားတယ်။)

His head is cluttered (up) with useless facts.

သူ့ခေါင်းထဲမှာ အသုံးမကျတာတွေနဲ့ အမှိုက်ပုံးလိုပြည့်နေတာ။

(ဒီဝါကျမှာတော့ cluttered up ကို filled with လို figuratively တင်စားသုံးထားတယ်။)

ကျွန်တော်တို့ရဲ့ နေ့စဉ်ဘဝဟာလည်း တခါတရံမှာ ပထမဆုံးပေးထားတဲ့ နမူနာဝါကျလိုပါပဲ။ အလုပ်လုပ်မယ်လို့ စားပွဲမှာထိုင်လိုက်ရင် စိတ်ရှင်းရှင်းလင်းလင်းနဲ့ လုပ်လို့မရ၊ စိတ်ကူးစိတ်သန်းကောင်းတွေ ထွက်မလာ၊ အလုပ်မတွင်။ ဘာ့ကြောင့်လဲ။ အဲဒီ အလုပ်စားပွဲ desk ပေါ်မှာ ရှိနေတဲ့ clutter ရှုပ်ပွနေတဲ့ ပစ္စည်းတွေကြောင့်လည်း ဖြစ်နိုင်တာပဲ။ စားပွဲပေါ် ကိုယ့်ရဲ့ computer ဘေးပတ်လည်မှာ ကော်ဖီခွက်၊ စာအုပ်အပုံ၊ ဆေးဘူးတွေ၊ ဖိုင်တွဲတွေ၊ တိုလီမိုလီထည့်ထားတဲ့ box လေးကတစ်လုံး။ စားပွဲက ကျဉ်းကျဉ်းရယ်၊ တင်ထားတဲ့ ပစ္စည်းတွေက အပြည့်ရှုပ်ယှက်ခတ်နေတော့ စားပွဲပေါ်မှာ physical space မရှိတော့ဘူး။ စိတ်ရှင်းရှင်းနဲ့ အလုပ် မလုပ်နိုင်တော့ဘူး။

အဲဒီ စားပွဲပေါ်က clutter က ကိုယ့်ရဲ့ စိတ်ကို mental block ဖြစ်စေတော့ ကိုယ်ဟာ စားပွဲမှာထိုင်နေသော်လည်း အလုပ်မဖြစ် productive မဖြစ်ဘူး။ အဲဒီတော့ ကိုယ့်ရဲ့ စိတ်ကိုပါ ထိခိုက်စေတယ်။ ကိုယ့်ရဲ့ emotional wellbeing ကိုပါ မသိမသာ ထိခိုက်လာစေတယ်။ physical space ကျဥ်းတာကြောင့် You feel mentally limited. ဖြစ်တယ်လို့ ပြောနိုင်တယ်။ ရေရှည် ဒီလိုမျိုး ဆက်သွားနေလို့ မဖြစ်ဘူး။ စားပွဲပေါ်က တိုလီမိုလီတွေကို ဖယ်ရှား၊ မဆိုင်တဲ့ ပစ္စည်း လာမထားနဲ့၊ သန့်သန့်ရှင်းရှင်းဖြစ်အောင် စားပွဲကို ကြည့်လိုက်ရင်၊ စားပွဲမှာ ထိုင်လိုက်ရင် အလုပ်လုပ်ချင်စိတ်ပေါ်လာအောင် ရှင်းထားရမယ်။ အဲဒီလို ရှင်းပစ်လိုက်တာ၊ clutter တွေကို ဖယ်ပစ်လိုက်တာကို declutter ဆိုတဲ့ verb ကိုသုံးတယ်။

Declutter your desk so that you can focus more on your work and be more productive.

စားပွဲကို ရှင်းလိုက်ပါ၊ ဒါမှ သင် အလုပ်ကို ပိုအာရုံစိုက်နိုင်ပြီး အလုပ်ပိုပြီးမြောက်နိုင်မှာဖြစ်တယ်။

စားပွဲပေါ်တင် ရှုပ်ထွေးနေတာ မဟုတ်ဘူးနော်။

ကိုယ့်ရဲ့ အဝတ်ဗီရိုထဲကိုကြည့် ရှုပ်ပွနေသလား။

ဘုရားခန်းထဲမှာရော ရှုပ်ထွေးနေသလား။

မီးဖိုချောင်ထဲ ရှုပ်ပွနေသလား။

ဧည့်ခန်းထဲရော ရှုပ်နေသေးလား။

သင့်ရဲ့ စိတ်ထဲမှာရော trivial thoughts အရေးမကြီးတဲ့ အတွေးတွေ၊ negative thoughts အပျက်စိတ်ကူးတွေနဲ့ ပြည့်နေသလား။

သင့်ရဲ့ ဘဝမှာရော၊ သူများတွေက ပေးတဲ့ အပူတွေနဲ့ပြည့်နေတာကြောင့် လူအချို့ကို ဆက်ဖက်တွယ်မထားဘဲ လွှတ်ချပစ်လိုက်ဖို့ လိုနေပြီလား။

အပိုတွေ မလိုတာတွေနဲ့ ရှုပ်နေရင် အလုပ်မဖြစ် ခရီးမတွင်ပါဘူး။

ဒါ့ကြောင့် ဖြည်းဖြည်းခြင်း အချိန်ယူပြီး

Declutter your desk.

Declutter your room.

Declutter your home.

Declutter your mind.

Declutter your life.

#မေတ္တာဖြင့်

#ဒေါက်တာစိုးသန်း

September 21, 2021

See Translation

1.7K1.7K

54 Comments

249 Shares