​နောက်ကျမှ အိပ်ယာထ คือ sleep in

 နေ့ စ ဉ် သုံး...အ င်္ဂ လိ ပ် စ ကား”

★★★★★★★★★★★★(Daily English Expressions)

ဒီနေ့တော့...နေ့စဉ်သုံးအင်္ဂလိပ်စကားတွေထဲက No hard feelings , No excuses , one/two left,stuck in ,speak your mind, if ever နဲ့ sleep in..စတဲ့...အသုံးတွေကို ဖော်ပြပေးလိုက်ပါတယ်။

(1) No hard feelings.

------------------------------

တစ်စုံတစ်ယောက်က ကိုယ့်ကို စော်ကားတယ်။အရှက်ရအောင် လုပ်တယ်။စိတ်နာအောင် ပြောတယ်။ဒါပေမယ့်..သူ့ဘက်က အမှားကိုသိပြီး စော်ကားမိတာတွေအတွက် ကိုယ့်ကို လာတောင်းပန်တယ်။ဒီတော့လည်း...“ငါ..ဘယ်လိုမှ သဘောမထားပါဘူးကွာ” “ငါ့့ဘယ်လိုမှ မအောက်မေ့ပါဘူး” ဆိုပြီး ပြန်ပြောဖြစ်ကြတယ်။အင်္ဂလိပ်လိုတော့..No hard feelings ပေါ့..။

(a) I’m really sorry. I shouldn’t have made that kind of remark about you.

၀မ်းနည်းပါတယ်ကွာ။ငါ..အဲဒီလောက်ထိ မင်းကို ပြောခဲ့ဖို့ မသင့်ပါဘူး။

That’s OK – no hard feelings.

ရပါတယ်ကွာ။ဘယ်လိုမှ သဘောမထားပါဘူး။

(b) I do apologize for my insult yesterday.

မနေ့က စော်ကားမော်ကားပြောခဲ့မိတာ တောင်းပန်ပါတယ်နော်။

Okey dokey! – no hard feelings.

ရတယ်..ရတယ်။ဘယ်လိုမှ စိတ်ထဲမရှိပါဘူး။

(2) No excuses

-------------------------

တစ်ခါတစ်လေ လူတွေဟာ..ကိုယ့်အမှားကို ဖုံးကွယ်ဖို့ အကြောင်းပြချက် ရှာတတ်ကြပါတယ်။ဒီလို..အကြောင်းရှာပြီး မိမိလုပ်ရပ်တစ်ခုကို ဖုံးကွယ်ဖို့ ကြိုးစားရင် လူကြီးသူမတွေက “ဆင်ခြေ လာမပေးနဲ့”.. ဆိုပြီး ပြောတတ်ကြတယ်။အင်္ဂလိပ်လို “ဆင်ခြေမပေးနဲ့”ဆိုတာကို No excuses. လို့ သုံးပါတယ်။

(a) No excuses! Don’t blame others for your own mistakes.

ဘာဆင်ခြေမှ မပေးနဲ့။ကိုယ်မှားထားတာ သူများကို အပြစ်ပုံမချရဘူး။

(b) No excuses! Stop blaming others for your troubles.

ဘာဆင်ခြေမှ မလိုချင်ဘူး။ကိုယ်လုပ်တဲ့ ပြဿနာကို သူများသွားပြီး အပြစ်တင်မနေနဲ့။

(3) One/two left

--------------------------

မုန့်(၅)ခုရှိတယ်..ဆိုပါစို့။(၁)..ခုစားလိုက်ရင် (၄)ခုကျန်ပါမယ်။ဒါကို..four left လို့ အင်္ဂလိပ်လိုသုံးပါတယ်။ကျောင်းတက်တယ်။သုံးနှစ်တက်ရမှာ နှစ်နှစ်ပြီးသွားတော့ ကျာင်းပြီးဖို့ (၁)နှစ်ပဲကျန်တော့ရင်...one year left..ပေါ့။ ဒီလို. .. ."ဘယ်လောက်ကျန်တယ်" ဆိုတာ ပြောချင်ရင်...ကိန်းဂဏန်းနောက်က left ထည့်ပြောလိုက်ရုံပါဘဲ။

(a) This morning I had $100. I spent $80. I have $20 left.

ဒီမနက်က ငါ့မှာ ဒေါ်လာ(၁၀၀)ရှိတာ (၈၀)သုံးလိုက်တော့ (၂၀)ပဲ ကျန်တော့တယ်။

(b)  Did you eat all the pizza?

ပီဇာမုန့်တွေ မင်းအကုန်စားလိုက်တာလား။

No. There are two  slices left. You can eat them.

အကုန်မစားပါဘူး။နှစ်ချပ်ကျန်သေးတယ်လေ။မင်းစားချင်စားပေါ့။

(4) stuck in

------------------

နေရာတစ်ခုခုမှာ ရှေ့လဲမတိုးနိုင် ၊နောက်လည်း ပြန်ဆုတ်မရအောင် ပိတ်မိနေတာကို အင်္ဂလိပ်လို stuck in သုံးပြီး ပြောနိုင်ပါတယ်။

(a) I'm sorry to have kept you waiting.I was stuck in traffic.

ကျွန်တော့်ကို စောင့်နေခဲ့ရတာ..စိတ်မကောင်းပါဘူးဗျာ။ကျွန်တော် ယဉ်ကြောပိတ်မိနေခဲ့လို့ပါ။

(b) Electricity was cut off and we were stuck in the lift for over an hour.

လျှပ်စစ်မီးပြတ်သွားလို့ ကျွန်တော်တို့ ဓာတ်လှေခါးထဲမှာ တစ်နာရီကျော် .လောက် ပိတ်မိနေခဲ့တယ်။

(5) speak your mind

-------------------------------

သိုဝှက်မနေပဲ..စိတ်ထဲရှိတာကို ပွင့်ပွင့်လင်းလင်း ပြောကြရတဲ့ အခါ speak your mind(s) ကို သုံးပြီး ပြောနိုင်ပါတယ်။

(a) Speaking my mind, I don't like your decision.

ပွင့်ပွင့်လင်းလင်းပြောရရင်၊ ခင်ဗျားဆုံးဖြတ်ချက်ကို ကျွန်တော် သဘောမကျဘူး။

(b) How should we solve this problem?Now,speak your minds.

ဒီပြဿနာကို ဘယ်လိုရှင်းကြမလဲ။ကဲ...ခင်ဗျားတို့ စိတ်ထဲရှိတာတွေကို ပွင့်ပွင့်လင်းလင်း ပြောပြကြပါဦး။

(6) if ever

----------------

တစ်ခါတစ်လေမှာ ကိုယ်က သေချာပေါက် ဖြစ်မယ်ထင်တယ်။ဒါပေမယ့်. .ချွတ်ချော်ခဲ့သည်ရှိသော်..“ဖြစ်များ ဖြစ်ခဲ့ရင်”ဆိုပြီး မယုတ်မလွန် ပြောရ တာလဲရှိတတ်ပါတယ်။ဥပမာ..ကိုယ်က အချိန်မီ မလာနိုင်လို့“နောက်ကျခဲ့သည် ရှိသော်” “နောက်များ .. ကျခဲ့တယ် ဆိုရင်” စသဖြင့် သုံးတာမျိုး ကြားဖူးကြမှာပါ။ အင်္ဂလိပ်လိုတော့..if ever သုံးပြီး ပြောရုံပါဘဲ။

(a) If ever I'm late, please wait till 9a.m.

တစ်ကယ်လို့များ...ငါနောက်ကျခဲ့ရင်..မနက်(၉)နာရီအထိ စောင့်ပေးပါဦး။

(b) Take a bus, if ever you miss the train.

ရထား မမှီခဲ့ဘူးဆိုရင်တော့ ..ဘတ်စ်ကားနဲ့ လာခဲ့ပေါ့။

(7) sleep in

------------------

တစ်ခါတစ်ရံမှာ လူပင်ပန်းလို့ ဖြစ်ဖြစ်၊ဘာမှ လုပ်စရာမရှိတာ သိနေလို့ ပဲဖြစ်ဖြစ် ခါတိုင်းအိပ်ယာထချိန်ထက် နောက်ကျပြီးမှ ထတတ်ကြပါတယ်။ ဒီလို နောက်ကျပြီးမှ အိပ်ယာကတာကို sleep in သုံးပြီး ပြောနိုင်ပါတယ်။

(a) I have nothing to do in the morning so I slept in .

ဒီနေ့ မနက် ဘာမှ လုပ်စရာမရှိလို့ နောက်ကျမှ အိပ်ယာထခဲ့တယ်။

(b) I always sleep in every Saturday.

စနေနေ့တိုင်း ကျွန်တော် အမြဲ နောက်ကျမှ အိပ်ယာထလေ့ရှိတယ်။

°°°°°°°°°°°°°°°°°°°°°°°°°°°°°°°

Credit...Original Writer